CRTVG

Buscar

Os transportistas ameazan con sacar os camións da AP-9 se non se rebaixan as peaxes

Publicado o 22/01/2019 18:58

Os transportistas galegos ameazan con sacar os camións da autoestrada AP-9 se non se logra unha rebaixa das peaxes. 
Esixen as bonificacións que teñen nove autoestradas rescatadas doutros lugares de España. 

O sector do transporte de mercadorías galego ultima medidas de presión ante o que consideran prezos inasumibles das peaxes. Entre elas estaría sacar os camións da AP-9, aínda que a federacion constatou que moitos xa comezaran a facelo.

Os transportistas séntense frustrados polas conversas mantidas co Goberno central e queren tamén algo máis de axuda por parte da Xunta.

En calquera caso, os transportistas galegos entenden que a situacion da AP-9 debe enmarcarse nunha negociación no ámbito de España sobre as peaxes porque, aseguran, hai moito transporte nacional e internacional en Galicia.

O vicepresidente da Xunta ve lóxicas as reivindicacións dos transportistas. Alfonso Rueda lembrou que xa está pedida a transferencia da AP-9 cun financiamento suficiente para poder rebaixar as peaxes.

Noticias web

22/01/2019