CRTVG

Buscar

Os traballadores da planta de PSA en Vigo reclaman máis persoal, no segundo día de paros

Publicado o 22/05/2019 21:07

Segunda xornada de paro na planta de PSA en Vigo para protestar polo inmobilismo da empresa ante a alta carga de traballo no sistema de produción. Desde os sindicatos falan dunha paralización total da fábrica, mentres que a empresa cifra nun dezaoito por cento o seguimento.

Os traballadores de Citroën volvéronse manifestar esta tarde polas rúas de Vigo. É a segunda xornada de paro que levan a cabo para denunciar a sobrecarga de traballo. A empresa recoñecía, pola mañá, que o paro provocou alteracións na produción e remiten á mesa de diálogo convocada para o venres. Os sindicatos falan de paralización total e lamentan que a empresa non reaccionase tras a primeira xornada de folga.

Máis de 5.000 traballadores están convocados a un paro de catro horas por cada unha das quendas. Buscan una redución da sobrecarga de traballo e reclaman, para iso, un incremento de persoal.





 

Noticias web

22/05/2019