Así, con impresoras 3D domésticas, fabrican viseiras de protección contra o coronavirus.

Coronavirus Makers é unha plataforma aberta a toda a cidadanía, empresas e profesionais dispostos a colaborar. Actualmente en Galicia hai uns 1.600 membros desta rede mundial de expertos en tecnoloxía aberta. Realizan unhas 1.000 pezas de protección diarias. Pantallas e tamén salvaorellas.

Persoas anónimas entre as que hai amas e amos de casa, transportistas, arquitectos, enxeñeiros, informáticos, etc., un colectivo altruísta que achega coñecemento e o seu propio material de fabricación.

Recoñecen que o nivel de demanda xa baixou con respecto ao inicio da crise sanitaria. Dende finais de marzo entregaron en Galicia máis de 30.000 pezas de protección.