Nun ano normal as escolas de vela escolares comezan en xuño, logo do remate do curso. Agora, cos nenos sen clases, poderían empezar xa os clubs náuticos e portos deportivos da ría de Vigo, considerando que se trata dunha actividade que apenas ten risco, xa que se realiza ao aire libre e moitas veces en embarcacións individuais.

Ojea di que barallan celebrar un acto náutico de balde con todos os clubs da ría no inicio da temporada. Tamén están desexando a desescalada total no porto deportivo de Marina Davila Sport.
Pero polo de agora está previsto que non se poida saír a navegar fóra do límite da provincia ata a fase dous, un límite que o sector non entende.

Fernández Davila apela á responsabilidade individual para autoprotexernos seguindo as normas marcadas polo Goberno.

Nalgunhas marinas como esta de Davila terán problemas tamén para abrir os aseos, xa que a última norma obriga a limpar e facer unha desifección logo de cada uso, algo que lles é moi difícil de asumir.