A ministra de Economía mantén as previsións de crecemento e déficit para este ano, pero admite que a falta de Goberno ten custos e que elementos como o retroceso económico de Alemaña poden ter un impacto máis negativo.

 "As tensións comerciais afectan Europa. A marcha de Alemaña, que é o motor da zona euro, aféctanos. E polo tanto é evidente que isto pode ter un impacto potencialmente negativo. Por iso é aínda máis importante que teñamos un Goberno", asegurou Nadia Calviño.