Valoración moderadamente positiva dos traballadores de Alcoa San Cibrao despois de reunirse coa ministra de Industria. Dende o Ministerio comprométense a visitar a factoría e crear un grupo de traballo cos operarios para seguir buscando solucións que garantan o futuro da fábrica.

Porén, volveu quedar claro que non hai posibilidades de modificar o estatuto das empresas electrointensivas mentres o goberno siga estando en funcións. Tamén se falou da opción de activar ao máximo as axudas de compensación para Alcoa.