O Gobernador do Banco de España advirte: os efectos da crise sobre o sector bancario aínda están por chegar. Pablo Hernández de Cos admite que o traballo feito nos últimos anos para mellorar a solvencia da banca permitiu amortecer o primeiro impacto da crise. Pero cre que os efectos da pandemia están durando máis e están sendo máis profundos do previsto. Por iso, augura que os balances dos bancos acabarán sufrindo unha deterioración nos vindeiros meses.