CRTVG

Buscar

O paro baixa en 33.200 persoas en Galicia, o mellor dato en doce anos

Publicado o 29/01/2019 18:55

• É un descenso do 18 %, o terceiro máis elevado das comunidades

• No conxunto de España o paro caeu en case medio millón

O desemprego baixou en 33.000 persoas o ano pasado en Galicia, segundo a EPA. É un descenso do 18 %, o terceiro máis elevado entre as comunidades, e creáronse 32.000 empregos, o mellor dato en doce anos. No conxunto de España o paro caeu en case medio millón de persoas e a creación de emprego tamén foi a máis intensa dende 2006.

2018 volveu ser un bo ano para o emprego. En Galicia o paro baixou 18 puntos, só superada polas dúas Castelas. Hai 33.000 desempregados menos e a taxa de paro queda no 12 %, dous puntos por baixo da media estatal. Hai 148.900 parados. E ademais creouse emprego, principalmente no sector servizos e na construción, co mellor dato dos últimos doce anos: 32.000 ocupados máis ata o millón 88.000.

No conxunto de España a tendencia é a mesma coa maior creación de emprego dende 2006: case 600.000 ocupados máis, ata superar os 19 millóns e medio. E en consonancia baixou o paro en máis de 460.000 persoas. É un descenso menor que o de anos anteriores, pero deixa a taxa no 14,4, a máis baixa da década. Hai 3,3 millóns de parados. España suma seis anos seguidos con baixadas do paro recuperando os niveis de 2008, tanto en desemprego como en ocupación.

 

Noticias web

29/01/2019