As autoestradas non recibirán compensacións pola baixada de tráfico das últimas semanas. É o que lle pedira Sacyr, concesionaria da autovía da Barbanza, á consellería de Infraestruturas. Ante as dúbidas do Executivo galego, a Avogacía do Estado conclúe que as empresas non teñen dereito a esas compensacións porque as estradas non chegaron a estar pechadas en ningún momento.