CRTVG

Buscar

Maroto insiste en que o estatuto electrointensivo estará listo "moi pronto"

Publicado o 23/01/2020 13:15
Maroto insiste en que o estatuto electrointensivo estará listo "moi pronto"

A ministra de Industria, Comercio e Turismo, Reyes Maroto, insistiu hoxe en que o Estatuto para o Consumidor Electrointensivo, que incluirá medidas para paliar o impacto do custo da enerxía nos grandes consumidores industriais, estará listo "moi pronto" porque a súa elaboración atópase xa "na súa fase final".

"O estatuto está xa na súa fase final e é unha prioridade para o Goberno; e, por tanto, estamos convencidos de que vai estar moi pronto", explicou Maroto tras asistir á inauguración do XI Fórum de Investimento e Negocio Turístico en África, que se celebrou no marco de Fitur.

A ministra mostrouse convencida de que a aprobación do estatuto permitirá "trazar un horizonte máis tranquilo de catro anos" e definir a política industrial "que necesita o país", que debe basearse -dixo- "non só no prezo da enerxía senón tamén na competitividade da industria".

Os traballadores da industria electrointensiva manifestáronse onte entre o Ministerio de Transición Enerxética e o de Industria, e concentráronse ante o Congreso para reclamar medidas que garantan a competitividade do sector industrial.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí