CRTVG

Buscar

Localizada unha nena de sete anos abandonada nunha estrada da Rioxa

Publicado o 21/07/2020 14:26

A Garda Civil localizou unha nena de sete anos abandonada nunha estrada da Rioxa. Os axentes atopárona nerviosa e chorando e pouco despois detiñan o compañeiro sentimental da nai da cativa.

Unha chamada anónima alertou a Garda Civil de que había unha nena pequena camiñando soa e coa única compañía dun can.

Os axentes deron con ela nunha vía de servizo da nacional 111 á altura do termo municipal rioxano de Lardero.

Estaba moi nervosa, chorando e abrazada ao can, segundo relataron os axentes aos que a nena lles contou que viaxaba no coche dun amigo de súa nai e que quedaran sen gasolina.

O home marchou buscar combustible e díxolle á nena, de sete anos, que agarda alí a que el regresara.

Tras escoitar o relato da cativa, a Garda Civil comezou a busca do home ao que detivo pouco despois. É o compañeiro sentimental da nai, de 30 anos, e cun amplo historial delituoso.


 

Noticias web

21/07/2020