A Policía Nacional de Vigo investiga as circunstancias do falecemento dun home que tiña unha bolsa de plástico na cabeza e que estaba esposado.

Tiña 47 anos e apareceu morto na súa vivenda. A alerta xurdiu cando a nai do falecido avisou a policía, preocupada porque non tiña noticias do seu fillo dende había tres días.

Cando acudiron ao domicilio, non abriu ninguén a porta, polo que os bombeiros tiveron que empregar o camión escaleira para acceder. Ao entrar atoparon o corpo do home. Polo de agora, non se desbota ningunha hipótese.