Este sábado ingresaba en prisión o home detido como presunto autor do intento de roubo nunha vivenda en Vigo. Mentres, a Policía busca outros tres homes implicados no asalto que conseguiron fuxir. Os investigadores pensan que podería tratarse dunha banda itinerante. Hai imaxes gravadas polas cámaras de seguridade da urbanización, pero as súas identidades aínda non están confirmadas.

Foron os veciños da zona os que alertaron da súa presenza. No momento da detención os axentes realizaron varios disparos ao aire.