CRTVG

Buscar

Galicia rexistra novo récord: 16.030 casos tras 1.727 contaxios nun día

Publicado o 21/01/2021 10:12

• A presión hospitalaria segue disparándose: 879 (+51)

• Non se reduce a positividade, que segue por riba do 10 % 

 

Galicia rexistra novo récord: 16.030 casos tras 1.727 contaxios nun día

Galicia volver marcar un novo máximo de casos activos nesta pandemia tras un novo récord de contaxios en 24 horas: houbo 1.727, dos cales 1.354 foron confirmados a través dunha proba PCR.

Así, Galicia salta dos 14.975 aos 16.030 casos activos nun só día, 1.055 máis ca onte. Por áreas sanitarias:

• A Coruña: 4.124 (+285)

• Vigo: 2.942 (+166)

• Santiago: 2.694 (+101)

• Ourense: 2.251 (+144)

• Lugo: 1.361 (+88)

• Pontevedra: 1.374 (+179)

• Ferrol: 1.284 (+92)

A presión hospitalaria, disparada

O forte incremento de casos que sofre o país nesta terceira vaga está a notarse nos hospitais galegos. Hai 879 persoas ingresadas, 744 en planta (+48) e 135 nas UCI (+3), cifras que se asemellan ás de abril do ano pasado.


Tamén sobe a 1.566 o número de vítimas da pandemia tras a notificación do Sergas de 16 falecementos onte por mor da covid-19.

Récord de PCR e positivos confirmados

Segundo os últimos do Sergas, o número de probas PCR realizadas onte foi de 12.679, 849 máis ca onte. Delas, deron positivo 1.354, o que marca dúas novas cifras récord, en cantidade e en positivos confirmados.

A positividade segue disparada: 10,68 %.

Mapa de incidencia por concellos