CRTVG

Buscar

Morre unha muller de 85 anos atropelada en Ferrol

Publicado o 17/03/2020 20:16
Morre unha muller de 85 anos atropelada en Ferrol

Unha muller de 85 anos de idade faleceu na tarde deste martes ao ser atropelada cando camiñaba xunto a unha veciña, que resultou ferida leve, pola rúa Camiño da Igrexa, en Serantes, Ferrol, segundo informaron a Europa Press fontes da Policía Local.

Pola súa banda, o CIAE 112 Galicia, explicou que o suceso tivo lugar sobre as 14.00 horas e que foi un familiar das afectadas a que contactou cos servizos de emerxencia para solicitar asistencia médica urxente. Ao lugar, ademais da Policía Local, trasladouse un equipo de Urxencias Sanitarias de Galicia-061 nunha UVI móbil, pero non puideron facer nada por salvar a vida da muller, que faleceu no punto. Pola súa banda, a outra muller, de 69 anos, resultou ferida leve.

Fontes da Policía Local informaron que o condutor do vehículo deu negativo nas probas de alcol e drogas.