CRTVG

Buscar

Falece un traballador tras quedar atrapado baixo una carretilla elevadora en Carballeda de Valdeorras

Publicado o 02/07/2019 20:24
Falece un traballador tras quedar atrapado baixo una carretilla elevadora en Carballeda de Valdeorras


Un traballador faleceu na tarde deste martes tras caer e quedar atrapado baixo unha carretilla elevadora mentres traballaba, no municipio de Carballeda de Valdeorras. O suceso rexistrouse nunha canteira da zona de Santa Ana da Portela do Trigal, segundo trasladaron a Europa Press fontes de Emerxencias, a partir das 16,30 horas. Ao lugar desprazáronse efectivos sanitarios, axentes da Garda Civil, Bombeiros de Valdeorras e o GES da localidade, tratar de liberar o traballador que permanecía baixo o vehículo. O falecido, un home de mediana idade, atopábase traballando cando se precipitou e quedou atrapado baixo a máquina.

Doutra banda, outro traballador tivo que ser trasladado ao hospital tras sufrir unha caída na Rúa de Rodrigo de Santiago. O Centro Integrado de Atención ás Emerxencias recibiu o aviso dos servizos sanitarios, que desprazaron ata o lugar unha ambulancia para trasladar ao ferido. Tamén se informou do accidente aos Bombeiros da Coruña, á Policía Nacional e Local e aos voluntarios de Protección Civil. Santiago rexistrou, ademais, outro accidente laboral. Un traballador necesitou axuda ao caerlle unha substancia corrosiva nos ollos, sobre as 13,00 horas. Segundo a información facilitada ao 112 Galicia, unha ambulancia do servizo sanitario de urxencia tratou de evacuar o ferido ao centro hospitalario de referencia.

Noticias web

02/07/2019