Son as imaxes de dous lobos de gran tamaño andando tranquilamente pola estrada xeral que une Lugo con Lourenzá, pola parroquia de Santo Tomé. As fotografías foron tomadas a plena luz do día tanto na vía como nun prado lindeiro.

Aínda que a estrada ten un tráfico considerable malia o confinamento, a ausencia de persoas na rúa fixo que os animais perderan o medo a achegarse ás vivendas, incluso a esta dende a que se tomaron as fotos. Con todo, os veciños non as teñen todas consigo coa presenza do lobo.

"Pode ser perigoso, e dixeron que xa matara ovellas entre San Lourenzo e San Xurxo. Non é boa cousa nin bo sinal".

A principal preocupación pola presenza do lobo céntrase no risco que poden supoñer para as vacas, cabalos e ovellas que pacen nos prados e leiras de Santo Tomé. Ao parecer, os dous lobos tamén foron vistos en Trabada, Ribadeo e Barreiros.