Beber ao volante, sen cinto de seguridade nin seguro, saltar o confinamento e mofarse da Garda Civil e de Protección Civil. Ese foi o fito de dous homes que, ademais, gravaron todo dun teléfono móbil e publicárono, fachendosos, nas redes sociais.

O resultado: a súa detención e conseguinte denuncia.

Os feitos sucederon o 25 de marzo na localidade malagueña de Mollina. Os ocupantes do vehículo son dous veciños desa vila que agora se enfrontan a varios delitos: ademais de saltar as restricións do estado de alarma, contra a Administración pública, desobediencia, infracción da Lei de seguridade viaria por condución temeraria, circular sen facer uso do cinto e sen o seguro obrigatorio.

Os autores acabaron pedindo perdón, tamén ante a cámara.