En Vigo, as parroquias de San Miguel de Oia e Saiáns foron as máis castigadas por esta banda que accedía ás vivendas previamente marcadas. Actuaba á última hora do serán ou á primeira da noite, cando tiñan a certeza de que non estaban os propietarios.

Os botíns foron bastante elevados: caixas fortes, pezas de alta xoiería, reloxos, obras de arte, cartos ou efectos electrónicos. Nalgúns casos roubaron máis de trinta mil euros.

O líder de 28 anos foi localizado nunha vivenda da Estrada onde apareceron tamén moitos dos obxectos subtraídos en diversas vivendas da bisbarra de Vigo. Á banda atribúenselle dezasete roubos. O home ten abundantes antecedentes policiais. Tiña prohibida a saída de España e tamén o acceso a territorio Schenguen.