CRTVG

Buscar

Deteñen un home tras matar a súa muller en Castellbisbal (Barcelona)

Publicado o 01/11/2019 10:30

Axentes dos Mossos d'Esquadra da División de Investigación Criminal (DEC) indagan as circunstancias da morte dunha muller esta noite na localidade barcelonesa de Castellbisbal (Vallès Occidental).

O home, de 52 anos, presentouse este xoves contra as once da noite na comisaría da Policía Local e confesou que a matara. Varias dotacións policiais desprazáronse ao lugar dos feitos, unha masía do concello barcelonés de Castellbisbal, onde atoparon o corpo sen vida da muller. Pouco transcendeu do ocorrido. O presunto asasino, de nacionalidade española e veciño da localidade, está detido e os Mossos investigan as circunstancias da morte. Segundo fontes xudiciais, non constan antecedentes de violencia entre a parella, que tiña varios fillos en común.

De confirmarse oficialmente este novo caso como un asasinato machista xa serían 51 as mulleres mortas polas mans da súa parella ou ex-parella no que vai de ano. 1027 desde que comezaron os rexistros en 2003. Amais, a violencia machista deixou 41 menores orfos.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí