Axentes da Policía Nacional detiveron en Vigo un home que tentou roubar nun centro comercial da cidade 10 botellas de champaña valoradas en 400 euros.

O home está acusado dun intento de roubo. O seu botín estaba composto por dez botellas de champaña valoradas en máis de 400 euros. Ao presunto autor destes feitos tamén se lle requisaron os alicates cos que cortou o precinto de seguridade.

O individuo foi visto polo servizo de seguridade do centro comercial, que avisou a policía. As botellas foron atopadas dentro da mochila que portaba o detido.