Axentes da comisaría de Pontevedra detiveron un home de 32 anos a quen se lle atribúen medio cento de estafas informáticas por toda España. Os calotes afectaban a compravenda de material informático e os investigadores do grupo de ciberdelincuencia da Policía Nacional cren que o presunto estafador puido gañar uns 8.000 euros. A investigación comezou hai meses e continúa aberta, polo que non se desbota que aumente o número de vítimas. A Policía Nacional aconsella adquirir produtos en páxinas web de confianza e non compartir nunca contrasinais de banca electrónica.