CRTVG

Buscar

O Goberno descarta a 'renda mínima ponte' de Iglesias e insiste en que traballa nunha definitiva

Publicado o 14/04/2020 15:27

Na súa última conferencia de prensa, Sánchez confirmaba que o Goberno quere aprobar unha renda mínima vital "e poñela en marcha canto antes"

Pero os socios da coalición, Podemos, queren acelerar ese "canto antes". A semana pasada, o vicepresidente Iglesias mesmo chegou a anunciar unha versión urxente desa renda.

Pablo Iglesias, vicepresidente de Asuntos Sociais: "É necesario facer un ingreso mínimo vital ponte para xa, para o ante posible".

Pero o Ministerio de Seguridade Social insiste en que xa está traballando nunha versión definitiva deste subsidio e descarta unha provisional.

José Luis Escrivá, ministro de Seguridade Social: "Farémolo de xeito permanente porque o traballo prepatorio que estamos facendo serve para algo ponte ou para algo definitivo. É un debate estéril. Estamos acelerando ao máximo os prazos para poder ter esa renda mínima porque niso estamos de acordo todos".

Escrivá anunciou que será compatible con outras axudas e agardan que chegue a un millón de fogares.

Noticias web

14/04/2020