En varias cidades europeas, incluídas A Haia e Ámsterdam, houbo enfrontamentos entre a policía e os participantes en diferentes protestas contra o toque de queda, en vigor ás nove da noite ata as catro e media da mañá.

Na Haia, máis dun cento de persoas interromperon o tráfico de tranvías e coches, guindaron unha moto ás vías e prendéronlle lume, para despois botarlle enriba todo o que atoparon. Os manifestantes lanzaron foguetes e arrincaron sinais de tráfico e un poste da luz, e protagonizaron fortes choques cos antidisturbios.