CRTVG

Buscar

Clima solleiro con temperaturas case primaverais

Publicado o 15/02/2021 20:03
Clima solleiro con temperaturas case primaverais

Hoxe o tempo deu unha tregua e moitos puideron gozar en Galicia dun tempo moi agradable, case primaveral. As temperaturas foron cálidas, acadando os 20 graos nalgunhas localidades, como foi o caso de Vigo, onde moitos non dubidaron en achegarse á praia de Samil para pasear ou facer deporte.

Aínda que o vento do sur soprou forte en áreas do litoral e tamén nas zonas altas de montaña, o día prestouse para saír dar unha volta. Pero pouco nos dura esta alegría porque xa está entrando outra fronte polo oeste da comunidade, que volverá deixar algunhas chuvias.


 

Noticias web

15/02/2021