CRTVG

Buscar

Campaña de vixiancia do uso do cinto de seguridade e os sistemas de retención infantil

Publicado o 30/09/2018 21:17

Empregar os sistemas de retención infantil é fundamental para evitar consecuencias nefastas nos menores no caso dun accidente. Para insistir nesta idea, a DXT comeza mañá unha campaña para vixiar o seu uso.

Dende mañá e ata o vindeiro domingo, incluído,  a DXT desenvolverá unha campaña intensiva para controlar o uso de cinto de seguridade e a utilización dos sistemas de rentención infantil homologados.

Durante unha semana os axentes da Agrupación de Tráfico da Garda Civíl intensificarán os controis para comprobar se tanto o condutor como os demais ocupantes do vehículos fan uso do cinto seguridade. 

Comprobarán, de igual xeito, que os menores viaxen cos correspondentes sistemas de retención infantil axeitados á súa estatura, peso e idade.

Un neno sen suxeición multiplica por cinco as posibilidades de sufrir lesións mortais ou graves. 

A finalidade é mellorar a seguridade viaria e concienciar o usuario sobre a importancia de ter comportamentos máis seguros.

Noticias web

30/09/2018