CRTVG

Buscar

Aumenta a demanda e produción de leite ecolóxico en Galicia

Publicado o 10/11/2020 20:18

José Antonio guía as vacas polo prado como fai todos os días dende que cambiou ao leite ecolóxico. Menos traballo, menos gasto en insumos ou máis lonxevidade das vacas levárono a dar o paso. Pero, sobre todo, motivouno a diferencia de prezo. Un gandeiro ecolóxico pode cobrar ata 20 céntimos máis por litro que un convencional. Iso si, a produción é moito menor porque cada vaca da uns quince litros fronte os 40 do intensivo. O éxito deste modelo tamén garante o relevo xeracional.

José A. López, produtor de leite ecolóxico: "Cando empecei tiña dúbidas porque estaba afeito a outros métodos e a máis produción. Pero, visto o visto, quedo con isto".

Luis López, futuro gandeiro: "Eu quero seguir con este sistema. O convencional non me convence. O futuro é ecolóxico 100%".

Aínda que a demanda de leite ecolóxico sobe cada ano arredor dun 15% os prezos mantéñense elevados pola alta calidade dun produto cuns métodos de traballo moi rigorosos.

Xan Pouliquen, asesor de ganderías ecolóxicas: "Temos un produto que non leva química en ningún momento do proceso e tampouco xenera residuos químicos. Polo tanto, é máis saudable."

O 80% dos galegos consumen produtos ecolóxicos ao longo do ano e Galicia lider a produción en sectores como o leite, a castaña ou os cogomelos.

Noticias web

10/11/2020