CRTVG

Buscar

Atracan cun coitelo un estanco de Cerceda

Publicado o 15/05/2020 14:02

O atraco tivo lugar pola tarde, neste estanco situado na parroquia de Rodís, en Cerceda. Un home encapuchado e ataviado cunha máscara cirúrxica entrou no establecemento portando un coitelo de grandes dimensións.

Xa dentro, ameazou a muller que se atopaba tras o mostrador, e levou o efectivo que había na caixa rexistradora. Non se produciron danos persoais, e, polo momento, non transcendeu a cantidade subtraída polo ladrón.

Segundo confirmou a Garda Civil, á saída do establecemento o atracador forcexou con varios veciños que o interceptaron para intentar detelo.

Finalmente logrou fuxir nun vehículo, un Renault Clío de cor azul, en dirección á Laracha. A Garda Civil mantén aberta unha investigación para aclarar os feitos e dar co autor do asalto.

Noticias web

15/05/2020