Atopada en bo estado a muller desaparecida no concello coruñés de Ordes. Levaba en paradoiro descoñecido dende onte ao mediodía, cando foi vista preguntando por unha parada de autobús para dirixirse supostamente cara a Ourense.

A moza, foi localizada polo operativo de busca na parroquia ordense de Santa Cruz de Montaos, preto de onde foi vista por última vez, despois de pasar toda a noite acubillada no monte. Presentaba un cadro de desorientación e indicios de hipotermia. Foi trasladada en ambulancia ao Complexo Hospitalario de Santiago.