CRTVG

Buscar

As escolas infantís serán gratis a partir do segundo fillo dende abril

Publicado o 07/01/2020 14:26

12.500 nenos non pagarán gardería a partir do un de abril. Son segundos ou sucesivos fillos que acoden a unha Galiña Azul ou escola infantil concertada. As privadas poderán acollerse voluntariamente a esta medida da Xunta á que van dedicar 14 millóns de euros este ano. O presidente lembra que nos concellos de menos de 5.000 habitantes as Casas Niño son gratis xa dende o primeiro fillo.

"Queriamos comezar o ano no escola infantil, garantindo a súa gratuidade a partir do segundo fillo a partir de abril. No rural non pagarán dende o primeiro. Imos manter esa discriminación positiva", dixo o presidente.

Alberto Núñez Feijóo avanzou que na lei de impulso demográfico que van levar ao Parlamento nos vindeiros meses queren incluír medidas para ampliar os horarios das escolas infantís públicas.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

07/01/2020