Achéganse a mil os casos de covid-19 nas escolas infantís e nos centros de ensino non universitario de Galicia.

En concreto son 914 os contaxios activos  e son 479 os centros educativos con, polo menos, algún caso. Con todo, só hai dous centros pechados, que son a escola infantil Golfiños de Lugo e máis o punto de atención infantil de Boborás.

A Xunta está ultimando o plan para o ensino a distancia por se a situación nos colexios se agrava.