A Xunta reclámalle ao Goberno central un fondo de compensación de 8 millóns de euros para paliar o impacto da crise do coronavirus nas empresas concesionarias do transporte público en Galicia, que perdeu un 97% dos viaxeiros polas restricións de movementos do estado de alarma. Nunha xuntanza virtual co sector, a conselleira de Mobilidade confirmou que a Xunta achegará 1 millón de euros de anticipos polos servizos que están a prestar nesta situación.