CRTVG

Buscar

A vacina da tuberculose, eficaz contra a diabetes tipo 1

Publicado o 20/11/2019 14:58

A vacina BCG contra a tuberculose foi desenvolvida hai máis dun século e é a máis utilizada da historia, segundo a Organización Mundial da Saúde. Pero os seus beneficios van, probablemente, moito máis aló da profilaxe fronte a esta enfermidade. As investigacións lideradas por Denise Faustmann nos Estados Unidos rebelan que este fármaco podería curar a diabetes tipo 1.

"Agora sabemos que esta vacina, en múltiples ensaios clínicos, demostra que ten a capacidade de reducir os niveis de azucre en sangue a valores normais", explica a directora do Laboratorio de Inmunoloxía do Hospital de Massachusetts.

Tras varios ensaios clínicos, a vacina aplicada en dúas doses a pacientes diabéticos mantén á raia os valores de azucre durante anos. Esta científica explicaba hoxe no Hospital Clínico de Santiago que o seguinte paso é ampliar os ensaios a nenos e a un maior número de adultos. Outros estudos, en que participa o Instituto de Investigacións Sanitarias de Santiago, demostran outras potencialidades desta vella vacina.

Este vello fármaco, que xa foi utilizado masivamente, está a ser redescuberto, é seguro, económico e quizais teña aínda máis aplicacións... o que demostra beneficios inesperados".

Deste e doutros reposicionamentos de fármacos falarase mañá en Santiago no décimo obradoiro Típico de Infectoloxía.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

20/11/2019