De xeito temporal, persoal de Renfe vaise facer cargo da venda de billetes en oito estacións galegas nas que anunciara o peche.

Recuou a compañía tras as protestas e tras o acordo alcanzado con Teruel Existe para a reapertura destes despachos.

Pero a apertura temporal faise co fin de instruír os pasaxeiros no autoservizo, segundo fontes da compañía. É dicir, abren ata xuño, cando volverán pechar para manter a venda en liña.