CRTVG

Buscar

A propietaria dun bar da Laracha desinfecta os cartos cada vez que lle paga un cliente

Publicado o 23/10/2020 14:39

Esta acción é a que fai María Dolores cada vez que un cliente lle paga a consumición.

María Dolores Varela, propietaria de O Noso Café: "Desde que deixaron abrir os negocios, nós xa empezamos a desinfectar os cartos".

Porque coa chegada da covid-19 os cartos e o seu manexo supoñen varias incógnitas sobre a seguridade.

"Os cartos é o máis sucio que hai e pasan por diferentes mans. A verdade é que me chamou moito a atención que perdesen o tempo desinfectando os cartos". "Perden tempo e tamén cartos, porque os xeles custan diñeiro".

Malia que recoñecen que ao principio lles sorprendeu esta medida, agora xa a teñen como un hábito máis, porque saben que os cartos que reciben están libres de bacterias. 

María Dolores Varela: "Eu tamén traballo moito cos rapaces do instituto e xa eles botan os cartos no bote, eu desinfecto...".

É sabido que o coronavirus obrigou a desinfectar máis que limpar. E aquí teñen claro que se non se toman todas as medidas ou non se aplican de xeito correcto, os contaxios poden multiplicarse.




 

Noticias web

23/10/2020