CRTVG

Buscar

A proba clave dunha herdanza millonaria é o ADN dun pano de mesa de papel

Publicado o 16/12/2019 14:00

Un pano de mesa de papel pode ser decisivo nunha herdanza millonaria. Reclámaa ante os xulgados de Vilalba un home de Biscaia de case corenta anos. Di que é fillo dun veciño da provincia de Lugo que morreu en 2017 legando aos seus irmáns e sobriños un patrimonio duns dous millóns de euros. A proba clave do caso é o ADN extraído do cuspe que impregnaba un pano de mesa que deixou nun bar un presunto familiar do demandante, obtido por un detective.

O avogado, Fernando Osuna, explica que se cotexou o ADN e o resultado foi o 99% de posibilidades de ser familiares.

O avogado do presunto fillo é Fernando Osuna, letrado especializado nestes casos e afeito a historias coma a desta muller, que tras quedar embarazada marchou buscar unha nova vida no País Vasco co seu fillo. Ao falecido non se lle coñece máis descendencia.

Fernando Osuna asegura que o seu cliente será o herdeiro de todo porque o home non fixo testamento.

Así, agora, se os tribunais lle dan a razón, será este suposto fillo espurio quen terá unha nova vida.

Noticias web

16/12/2019

Máis sobre Vilalba