Os casos activos continúan coa súa tendencia á baixa. Segundo o Sergas hai 4.453 persoas con covid-19 no país, 233 menos ca onte. Detectáronse 191 novos positivos, dos cales 161 foron a través dunha proba PCR.

A Coruña: 1.492 (-51)

Vigo: 758 (-13)

Pontevedra: 632 (-51)

Santiago: 469 (-50)

Lugo: 401 (-26)

Ferrol: 424 (-35)

Ourense: 277 (-7)

Alíviase a presión hospitalaria

Continúa baixando o número de persoas con coronavirus nos hospitais galegos. Hai, segundo os últimos datos, 448 (-24) persoas ingresadas: 355 en planta (-20) e 93 nas UCI (-4).

Onte o Sergas notificou o pasamento de tres persoas por mor do coronavirus, o que eleva a cifra de vítimas a 2.259 no que vai de pandemia en Galicia.

Dezasete días baixo o 5 %

Segue tamén con tendencia á baixa a positividade. Das 7.409 probas realziadas onte (-1.122), deron positivo 161, o que significa unha taxa de positividade do 2,17 %. Así, Galicia vai camiño das tres semanas cunha positvidade por debaixo do 5 %, o limiar máximo recomendado pola OMS para dar por controlada a pandemia.

Mapas de incidencias