CRTVG

Buscar

A marea vermella mantén pechados máis da metade dos polígonos bateeiros

Publicado o 05/05/2020 14:29

Este novo episodio de marea vermella instalouse nas nosas augas a metade do mes de abril e na actualidade mantén pechados unha gran parte dos polígonos beteeiros de Galicia. A ría de Pontevedra e Muros-Noia son as zonas máis afectadas coa totalidade das bateas sen actividade.

Pola contra, a ría de Arousa é a que conta co maior número de bateas abertas, en total 15, seguida da ría de Vigo, con cinco. Entre as dúas están a garantir o abastecemento de mexillón nos mercados. Respecto ás previsións, este episodio podería alongarse aínda semanas ou meses.

A toxina lipofílica tamén afecta outros moluscos, como a ameixa e o berberecho, sobre todo nas rías máis ao norte.



 

Noticias web

05/05/2020