CRTVG

Buscar

A enfermidade da labazada, unha doenza común

Publicado o 22/01/2020 14:54

Non é tan común como a gripe, pero a coñecida como a enfermidade da labazada e tamén unha doenza vírica, contaxiosa e estacional que soe darse en brotes epidémicos. Nos últimos días está a afectarlles sobre todo a escolares de Vigo, pero hai casos en toda Galicia.

Nas consultas de pediatría recoñecen un doente de parvovirus B19 en canto entra pola porta.

"O peculiar da enfermidade é este aver facial, que é moi característico. Pode darse noutras parte do corpo, pero nesta doenza e é especialmente significativo, é o que o fai diferenciar, di Lorenzo Redondo, pediatra do Complexo Hospitalario de Santiago.

Por iso o seu nome común é enfermidade da labazada. Ademais das meixelas coloradas, outros síntomas son febre e a dor muscular. Habitualmente empeza na poboación infantil, a miúdo nos colexios, pero pode afectarlle a calquera persoa que non a padecera antes. Non é grave, pero nalgúns casos hai que tomar precaucións.

"Aqueles nenos que poidan ter algún problema inmunolóxico ou anemia crónica, anemia hemolítica. E precaución especial coas embarazadas porque pode afectarlle ao desenvolvemento do feto", advirte Redondo.

Non ten tratamento específico, so o que recomende o médico para aliviar os sítomas. Tampouco hai vacina que axude a previla, polo que para non contaxiarse a recomendación médica é evitar o contacto cos doentes e lavar as mans a miúdo.

Noticias web

22/01/2020