Os socialistas querían unha investidura antes de fin de ano, pero esa posibilidade caeu. Manexan agora outra data, sobre Reis, pero polo momento todo segue no aire. A chave tena Esquerra Republicana, pero os cataláns non teñen présa. Din que non se absterán mentres non analicen o escrito da Avogacía do Estado sobre a inmunidade de Junqueras, e o prazo para presentalo remata o dous de xaneiro. O Goberno defende a súa autonomía.

Dende o PP cren que Sánchez e Esquerra están meténdolle á Avogacía para concederlle beneficios penitenciarios a Junqueras.

Neste compás de espera, Pablo Iglesias, ata agora nun segundo plano, decidiu tomar un papel protagonista para tratar de achandar o camiño á investidura. O líder de Podemos mantivo esta semana unha primeira reunión co dirixente de Esquerra Sergi Sabrià.