A casa natal de Picasso acolle dende hoxe a mostra Exilio e Nostalxia. Un cento de debuxos e máis de 70 gravados inéditos que desvelan a gran amizade entre o pintor e o barbeiro Eugenio Arias.

A exposición compóñena 63 páginas do diario ABC, que Picasso retocaba con debuxos ou dedicatorias e entregaba a Arias. Sobre as crónicas taurinas, deixaba sinais para resaltar algún contido e dedicáballe debuxos de touros, toureiros e escenas da lida.