Nesta moderna fábula, os animais protagonistas amosan o choque de mundos entre a maneira natural e e harmónica de vivir no rural e o superficial e frívolo dos habitantes da urbe.

Os Espíritus Azuis é a primeira entrega da serie de cómic Silvana, a filla do explorador. Nesta ocasión, Ramón Marcos preséntanos á súa protagonista, unha rapaza aventureira que viaxa co seu tío Hércules á selva de Sumatra.

A colección Dediños son libros que recollen unha canción, xogos de rima ou ringleiras da tradición oral. As ilustracións presentan uns pequenos furados nos lugares máis significativos para que os rapaces e rapazas introduzan os dediños e animen as imaxes mentres lles é lido o conto.

Os reloxos preguiceiros da cidade de Néboa deixaron de calcular o tempo. Este suceso desorienta aos habitantes da cidade onde unha brétema constante case non deixa ver o sol. A alcadesa Sabela Depresa, xunto coa súa colega detective Lupita Grande, tentará resolver este misterio e chegar á orixe deste extraño caso.

¿E se o pixama fose a roupa de vestir a diario? Os rapaces e rapazas irían á escola en pixama de raias, os xogadores de fútbol, os bombeiros, os varredores... todos con esta prenda pola rúa e nos seus traballos. ¿Será o soño de todo pixama ou máis ben un pesadelo?

Serafina é a protagonista desta historia. Ela vive coa súa tía, dona Perfecta, e a súa maior ilusión é traballar nun circo con Celerífera, a bicicleta coa que fai equilibrismo.

Rodribico é unha pega marza á que lle encanta vivir na fraga rodeado dos seus amigos. Nesta ocasión enfréntase ó reto persoal de botarse a voar, tarefa que coa axuda dos seus veciños se volve máis doada.

Vilamollada é o pobo no que vive Xulieta, unha nena inqueda e curiosa que decide observar de preto a don Evaristo, un home misterioso e gris, considerado tolo por todos os veciños.

A historia que conta este libro fala de muros físicos e tamén de muros invisibles. Ten como protagonistas a Helena e Xoel, dous nenos dun pobo, amigos inseparables, que loitan por superar as barreiras que os adultos e as clases sociais lle imponen,  e por alimentar a súa amizade. Eles superarán as barreiras da intolerancia e do racismo.

Seguro que as veces sintes medo, e ese medo pode ter un nome como a aracnofobia. Pero tamén podes sentir medos á cousas coma a que rimchen as portas, as pingas do lavabo…Este libro roido é un catálogo dos medos e fobias dun rato pequeño, pero valente, xa que os enfrenta  debuxando e escribindo, e sobre todo poñéndolles un nome.

Este conto é una adaptación feita por Xosé Manuel González Barreiro (OLI) a partir dun conto popular. Trátase dun conto rimado que nos invita a facer unha fabulosa viaxe imaxinaria polo mundo, visitando Marrocos, pasando por Moscú, México, Australia, etc., ata rematar en Galicia. Os lugares polos que pasan, as súas culturas, engaiolan as damas que van quedando nelas.

Zimbo é un monicreque, un boneco de madeira que desexa liberdade, pero o monicrequeiro quéreo como a un fillo e dóelle que queira cortar os fíos que supoñen a súa independencia.

Este é un libro de contos curtos, algúns moi, pero que moi curtos; son contos para antes de durmir, e como seguro que ti en canto te metes na cama dormes deseguida, por iso os contos son curtiños, para que non quedes durmido sen saber o final.

Este libro non está rematado, tédelo que rematar vós, coa vosa participación. Neste libro de poemas hai moitas lúas: hai unha lúa namorada bailando cun fermoso vestido branco, e tamén atopamos una lúa solidaria que bica un neno saharaui que chora porque non a pode ver. A lúa  voa, soña e se sinte poeta, e convida aos pequenos lectores a facerlle rimas e ilustracións para que constrúan cadanseu lueiro de papel.<

Este conto rimado conta a busca dun tesouro, o Marranchiño de Ouro, polos piratas da tripulación do barco Marabillas. Os piratas Orella de Cachucha, Leonardo Biosbar, Tripas, O Patatán, Furriqueiras, Man de Fouciño, Cascarilla, Corazón de Boi, Pistraca e o capitán Bocanegra van na procura do tesouro, pero a tripulación vai minguando a medida que suceden as aventuras, incluíndo o encontro con Vanesa Caracortada e a nave Capitana.

Un día Ramiro acompaña a seu avó ao traballo nunha biblioteca moi antiga, e leva consigo o seu amigo, o peixe vermello. Ramiro queda abraiado con tanto libro, míraos todos, pero son tantos que moi canso queda adormecido.

O gato de Fran Alonso é poeta, un poeta 2.0, “e escribe porque lle peta"

Este domingo Lola ten un plan con seus pais: ir de paseo á praia a xogar co seu papaventos! 

Este conto fala da historia dun pirata feroz, dos de verdade eh? – con parche nun ollo, pata de lata e papagaio Simeón

Esta é una história fantástica sobre o Planeta Mincha, máis concretamente sobre a rexión de Aridöndia. Neste planeta conviven moitas razas: ardos, lampönak, xordosauros…entre eles as Minchas.