CRTVG

Buscar

CRTVG Viva

A chegada de dous atracadores ao banco pode botar por terra todo o plan de 'A Lei de Santos'

29/11/2020

Santos fará todo o posible por mantelos á marxe, a pesar de que tomaron como refén a todo o mundo que estaba na oficina

A chegada de dous atracadores ao banco pode botar por terra todo o plan de 'A Lei de Santos'

Santiago, 29.11.2020.-    Os seguidores de ‘A Lei de Santos’ (22.30 h) verán hoxe como, asumindo moitos riscos, Santos, Peixe e Pancho están facendo todo o posible para devolver a cabeza que atoparon na caixa de seguridade á sucursal bancaria sen levantar ningún tipo de sospeitas, pero a chegada de dous atracadores ao banco, cos que Santos non ten ningún tipo de relación, pode botar por terra o seu obxectivo.

Sen tempo que perder, Santos fará todo o posible por manter os atracadores á marxe, a pesar de que tomaron como refén a todo o mundo que estaba na oficina. Decataranse de que son Duarte e Bieito?

Despois de recibir as chamadas de varias testemuñas alertando dun segundo atraco, Ánxela non ten máis remedio que poñer en marcha un dispositivo para deter os atracadores e liberar os reféns. Estarán preparados no cuartel de Viladesantos para unha operación así?