Presentado por Bernardo Montaña, concurso dirixido a toda a familia, en que concorren tres concursantes cada edición. Baseado na dinámica de preguntas e respostas de cultura xeral, conta, amais, coa intervención de dous expertos colaboradores, María Canosa e Jorge Mira, que resolven dúbidas e amplían a información en cada bloque.

Programa comandado por Arturo Fernández, e formado tamén por Noelia Rey, Pepe Capelán, Lucía Veiga e Brais Doval, que lle dá unha volta, en clave de humor, á actualidade diaria. Esta aposta da canle autonómica amosa, de domingo a mércores e desde varios puntos de vista, o acontecido no día, o que se fala na rúa, o que lles interesa aos galegos, o deporte, as festas, a gastronomía e o rural.

Presenta Pilar Landín.

Programa de música clásica que ofrece en cada emisión un concerto da Orquestra Sinfónica de Galicia, coa interpretación de grandes compositores baixo a batuta de destacados directores.

Serie documental que dá a coñecer o legado que deixaron en Galicia as persoas que triunfaron na emigración e investiron parte da súa fortuna na terra que os viu nacer.

Programa que lles achega aos espectadores galegos toda a actualidade cultural. Presenta Pilar G. Rego. O compositor Rogelio Groba Groba protagonista do ‘Zigzag’, con motivo da homenaxe que recibirá este sábado polo seu 90 aniversario.

Presenta Irene Lourido. Óscar Benito encárgase da información deportiva.

Espazo que analiza en profundidade os temas que foron protagonistas da actualidade informativa da semana.

Programa de reportaxes.

Magazine, de máis de dúas horas en directo, presentado por Lucía Rodríguez, Juan Fuentes e Bernardo Montaña. ‘Aquí Galicia’ desprázase este sábado ata a localidade ourensá do Barco de Valdeorras, que está a celebrar a súa XX Festa do Botelo, declarada de Interese Turístico de Galicia. Da man de expertos, os espectadores aprenderán os pasos a seguir para elaborar un delicioso botelo como os que se poden degustar na exaltación do Barco de Valdeorras. Ademais de renderlle tributo ao botelo, o programa fará un

Javier Varela e Rafa Durán percorren os mercados ambulantes galegos máis destacados. Amais de entretemento e de descubrir numerosas anécdotas sobre a vida dos feirantes, o programa promete diversión e premios para os asistentes. 'Imos de Feira' achegarase esta semana a Vilagarcía de Arousa, que cada martes e sábado se enche de feirantes e compradores dispostos a aproveitar o día.

Programa que semana a semana viaxará por todo o territorio galego para conversar cos profesionais da sanidade galega e saber do seu traballo e os lugares onde o desenvolven. 'Doutor en Galicia' coñecerá hoxe o traballo dunha pediatra, unha anestesista e un médico internista.

Presenta Irene Lourido. Óscar Benito encárgase da información deportiva.

Espazo de entretemento presentado por Lucía Regueiro. Omar Montes e Ana Mena, dous dos artistas do momento, unen esta noite as súas voces en 'Bamboleo'. O programa tamén ofrecerá as actuacións da cantante galega Carolina Rubirosa e da orquestra Los Satélites.

Espazo dirixido aos amantes do insólito, os misterios e os fenómenos paranormais. Achega en cada emisión dous casos ou acontecementos que tiveron lugar en Galicia, cuns protagonistas e expertos galegos. O espazo fala hoxe de aparicións de falecidos e dun OVNI estrelado en Galicia e recuperado polo Exército. Conta cos testemuños de persoas que viron un ser querido falecido que regresaba para despedirse e cun expediente militar sobre un OVNI avistado en Ferrol.

Daniel chegou a Rimini para exercer durante tres meses como profesor de Literatura nun instituto. Vive cunha muller coa que case non o une nada. No colexio Daniel coñece unha das súas alumnas, Vanina, unha fermosa moza pola que se interesa desde o primeiro intre.

A TVG pasa '24 horas con Benedicta' para coñecer de preto a nova revelación do cinema galego. Candidata aos Premios Goya con 84 anos, amosará o seu día a día no Corgo, lembrará os seus anos de emigración no Brasil, explicará como lle está a cambiar a vida despois da súa participación en ‘O que arde’ e recibirá unha gran sorpresa.

Spin off do 'Larpeiros' máis clásico, que abre as portas do seu club, unha sociedade gastronómica en que se xuntarán cociñeiros e amigos do programa para cociñar e festexar, con máis convidados e máis troula ca nunca. 'Larpeiros Social Club' adéntrase hoxe na cociña de vilas galegas con encanto, como Becerreá, Sarria e Lalín. No variado menú de hoxe proporanse berenxenas recheas de bacallau con queixo do país, costela de vaca glaseada con guiso de patacas, boletus e castañas, e, de sobremesa, leite frito e

Uns minutos de jazz para recrearse na Galega.

Uns minutos de jazz para recrearse na Galega.

Pezas mestras da música clásica universal.

Presenta Almudena de Urzáiz.