CRTVG

Buscar

Larpeiros

Arroz mariñeiro con cigalas e berberechos

17/09/2019 22:45 h

As combinación de sabores que nos ofrece o mar estarán moi presentes en todo o que van probar hoxe os Larpeiros. Unha festa arredor dos produtos do mar e as infinitas mesturas que nos ofrecen. Hoxe é un día diferente na casa, está de visita Miguel Guido: actor, músico e Larpeiro. O convidado fai a primeira proposta do xantar. Quere que os seus anfitrións elaboren un prato con marisco. A cambio, promete acompañar con música toda a xornada. Don Benigno, encantado coa idea, propón cociñar un arroz mariñeiro, con cigalas e berberechos. Un clásico e unha das especialidades dos mestres. Un prato de auténtica festa, no que estará acompañado por Dona Lola. Nada pode fallar! O noso Larpeiro máis viaxeiro, Adrián, visita en Vigo a Pedro Lago, un experto en empanadas, artesanais e feitas con produtos galegos. Un emprendedor que deu un xiro á súa vida para dedicarse á súa gran paixón: a cociña. Farán unha empanada de pescada e lagostinos, que será un auténtico espectáculo. E para rematar a festa, Merchi vai facer unhas galletas moi chulas de merengue e doce de leite. Unha receita americana de moito éxito e que sae moi rica. Xunto a Miguel Guido, os reporteiros farán unha viaxe pola súa cidade, Bristol, e polos seus costumes. Unha sobremesa do máis interesante. Estade moi atentos...porque a festa do mar promete, lambonciños!

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: