CRTVG

Buscar

Gas a Fondo

Rubén Fernández, piloto vigués no Europeo de motocrós: "Baixei do Mundial a este campionato co obxectivo de gañar"

13/04/2019 - 23:18 h

Ademais de Jorge Prado, actual campión do mundo de  MX2, Galicia conta con outro piloto que leva a bandeira do noso motocrós polas competicións internacionais.

O vigués Rubén Fernández volveu ao Europeo tras dous anos competindo no mundial.

"Baixei de campionato co obxectivo de gañar. Hai moito nivel e, a pesar de que comecei con resultados regulares, agardo ir mellorando co paso das carreiras. Aínda hai tempo".

Ao igual que Prado, Rubén tivo que marchar da súa casa para cumprir o seu soño.

"Tras os últimos tres anos vivindo en Holanda só, sen a familia, ao cambiar de equipo trasladeime a Italia. Ao principio non foi doado, porque non controlaba ben o inglés. Apañeime como puiden".

Fernández marcha sexto do campionato de Europa tras dúas probas disputadas.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí