Na Coruña, os veciños dun inmoble do barrio da Agra do Orzán levan máis dun ano entre ladrillos e cascallos por mor dunha obras inacabas no seu portal.

Os veciños levaban anos pensando en eliminar as barreiras arquitectónicas e que o ascensor chegase a ras do chan. Lograron reunir os 48.000 euros que custaba a reforma e contrataron as obras.

Unhas obras que comezaron en setembro do ano pasado pero, ao pouco, a subcontrata quebrou, e os traballos non seguiron adiante. As obras non foron adiante e o portal quedou cheo de entullos. Os chanzos que aínda teñen que baixar para chegar á rúa quedaron máis estreitos e unha táboa de madeira impide acceder aos contadores. 

Levan así case un ano, co medo a que calquera día aconteza unha desgraza. Para evitalo houbo quen xa marchou a outra vivenda.

O seu quebradeiro de cabeza comezou en 2018, cando, unha vez reunidos os 48.000 que custaba a reforma, decidiron contratar os traballos.

En todos estes meses din que chamaron unha morea de veces á empresa e que aínda non lles achegaron unha solución.