CRTVG

Buscar

Piden sensibilización e renovar a normativa para frear os accidentes de tractor

Publicado o 16/06/2019 21:21

Os accidentes de tractor ocasionan ao ano unha media de vinte mortes en Galicia e a cifra vai en aumento. Estivemos coa responsable do primeiro estudo autónomo que afonda nas causas e factores deste problema co obxecto de previlo.

Natalia ten 19 anos e hai dous publicou un estudo sobre a prevención de riscos agrarios na costa da morte centrado nos accidentes de tractor. Di que detrás hai un rural que esmorece e unha normativa que precisa unha revisión.

Subliña que é preciso que todos os tractores, vellos ou non, leven unha estrutura de protección e estean a punto pero reclama axudas para que o investimento necesario non prexudique os gandeiros. Natalia reclama ademais campañas de sensibilización e pídelles aos usuarios que se conciencien do risco.

Ao ano morren en Galicia arredor de vinte persoas en accidentes de tractor. A maioría dos sinistros prodúcense ao envorcar o vehículo e a maioría dos mortos superan os 65 anos. Boa parte do tractores teñen máis de tres décadas, carecen de dispositivos de seguridade e a penas se someten a revisións.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

16/06/2019