Mercando unha pizza durante o confinamento José Antonio Quintas viu que en Verín non había un servizo de repartimento de comida a domicilio e decidiu montar a súa propia empresa.

A a súa aplicación Roombo funciona como a das grandes plataformas de reparto coas que agora compite. A idea deu tan bo resultado que xa chegou ao país veciño a Portugal.

Preto de 4.000 repartimentos en Chaves ao mes e uns 2.000 en Verín e xa conta con 19 traballadores. A clave do seu éxito, di, é unha marxe que favorece os hostaleiros.

O seguinte paso di que é ampliar a aplicación con novos servizos e atopar todo tipo de profesionais. E xa hai interese en crear franquías para chegar a máis vilas galegas e tamén de fóra de Galicia.