Os familiares dos usuarios das residencias de Galicia e os traballadores reclamaron no Parlamento un novo modelo de residencias.

Din que a pandemia puxo de manifesto que nos centros privados os recursos e o persoal foron insuficientes, o que, aseguran, impide garantir uns servizos de calidade.

Pídenlle á Xunta máis inspeccións e que actúen con contundencia ante as deficiencias. O director xeral de atención sociosanitaria dixo que xa se incrementaron as inspeccións e que agora mesmo se están realizando auditorías en todas as residencias galegas.